Bydd rhaglen TAR integredig a manwl Partneriaeth Ysgolion Prifysgol Abertawe'n eich herio'n academaidd ac yn broffesiynol. Nod rhaglen Cymraeg y TAR yw datblygu dealltwriaeth feirniadol o natur Cymraeg a'i lle yng nghwricwlwm yr ysgol. Byddwch yn cael eich annog i ymchwilio a phrofi eich ymagweddau eich hunan at addysgeg Cymraeg i ddod o hyd i'r technegau hynny sy'n gweithio orau i chi a'r disgyblion rydych yn eu haddysgu. Mae Partneriaeth Ysgolion Prifysgol Abertawe'n ymrwymedig i ddatblygu ymarferwyr myfyriol wedi'u llywio gan ymchwil sy'n gallu dangos creadigrwydd a hyblygrwydd yn eu haddysgu fel y gall dysgwyr ddatblygu eu gallu Cymraeg mewn amgylchedd sy'n creu mwynhad o'r pwnc.