Cemeg gyda GAA - TAR Uwchradd (yn arwain at ddyfarniad Statws Athro Cymwysedig - Graddedigion yn unig)

Bangor University

UCAS Code: 3F5D

Ydych chi’n angerddol am Gemeg a byd sylweddau, ac a allech chi drosglwyddo'r angerdd hwn i eraill. Gogledd Cymru yw’r lle perffaith i ddysgu i ysbrydoli eraill am Gemeg gyda phrifysgol sy’n cyfuno cefndir gwyddoniaeth ac addysg cryf ag angerdd am herio ein myfyrwyr a bod yn un o’r lleoedd mwyaf prydferth ac ysbrydoledig i fyw ynddo. Os mai dysgu Cemeg yw'r yrfa i chi, yna Bangor yw'r lle i chi. Gyda'n labordai addysgu newydd, staff angerddol, ac ysgolion partneriaeth gwych byddwch yn dysgu'r holl sgiliau sydd eu hangen arnoch i ysbrydoli eraill. Yma ym Mangor, byddwn yn sicrhau bod gennych y rhinweddau sydd eu hangen nid yn unig i fod yn athro/athrawes Cemeg rhagorol, ond hefyd yn athro/athrawes gwyddoniaeth, trwy roi cyfle i chi archwilio agweddau eraill ar y Cwricwlwm Gwyddoniaeth. Mae’r cwrs yn canolbwyntio ar un o’r cwricwla newydd mwyaf cyffrous y byd ar hyn o bryd, y Cwricwlwm newydd i Gymru, ond bydd y sgiliau y byddwch yn eu hennill yn eich paratoi i addysgu yn unrhyw le. Mae Bangor yn lle gwych i unrhyw un sydd â diddordeb mewn gweithgareddau awyr agored. Mae ein lleoliad, ynghyd â'n cysylltiadau sydd wedi’u sefydlu â darparwyr addysg awyr agored lleol, yn gyfle gwych i gyfuno'r pwnc hwn â gweithgareddau awyr agored yn ystod eich hyfforddiant.

Ble gwell i astudio ar gyfer eich cymhwyster TAR Cemeg nag yma ym Mangor, gyda’n profiad gwyddoniaeth unigryw, ein profiad o ddysgu yn yr awyr agored a phrifysgol gyda choleg sy’n ganolfan flaenllaw yn y Deyrnas Unedig ar gyfer addysgu ac ymchwil mewn ystod eang o bynciau gwyddonol.
• Bydd tiwtoriaid ac ymchwilwyr profiadol yn rhoi'r sgiliau sydd eu hangen arnoch i ddod yn addysgwyr y dyfodol. Bydd profiadau Ysgol Arweiniol gyda mentoriaid hyfforddedig, ynghyd â dau Leoliad Ysgol yn cefnogi eich datblygiad tuag at Statws Athro Cymwysedig.
• Cyfle i astudio tra'n ymgolli yn niwylliant ac iaith Cymru, yma ym mhrydferthwch Gogledd Cymru. Cefnogaeth broffesiynol ar gyfer dysgu Cymraeg p'un a ydych yn ddechreuwr llwyr neu'n ddefnyddiwr rhugl o'r iaith. Byddwch yn ysbrydoliaeth ar gyfer y genhedlaeth nesaf. Mae'r TAR hwn gyda SAC yn cael ei gydnabod ledled Cymru a Lloegr ac yn aml mae'n drosglwyddadwy ymhellach i ffwrdd ar gyfer mynediad i'r proffesiwn addysgu. Dylai’r rhai sy’n ceisio addysgu y tu allan i Gymru a Lloegr wirio adnabyddiaeth a throsglwyddedd Statws Athro Cymwys gyda Chorff Proffesiynol Athrawon y wlad dan sylw.